პოროშენკოს მიმართ ანტისემიტური განცხადების გამო, სააკაშვილმა პრესმდივანი გაათავისუფლა

მსოფლიო - 14:05, 19 Sep, 2017

4434

მიხეილ სააკაშვილმა მისი პარტიის "რუს ნოვიხ სილ" პრესმდივანი თანამდებობიდან გაათავისუფლა, მას შემდეგ რაც მან პეტრო პოროშენკოს ებრაული წარმოშობის გამო, მის მიმართ ანტისემიტური განცხადება გააკეთა.

“ნებისმიერი მინიშნება ანტისემიტიზმზე ჩემთვის არა მხოლოდ მიუღებელია, არამდეც მთელი ჩემი ცხოვრების არსი ეთნიკური, რელიგიური და რასობრივი შეუწყნარებლობის ნებისმიერ გამოვლინებასთან ბრძოლაა. მე ყოველთვის ბანს ვადებ ეთნიკურ და რელიგიურ თემებზე კომენტარებს ჩემს გვერდზე.

დაშა ჩიჟი , გუშინ, სწორედ მისი განცხადების გამო დავითხოვე. ჩვენ არ უნდა დავემსგავსებით იმ ადამიანებს, ვინც ამ თემებზე მინიშნებებსაც კი აკეთებს, ვინაიდან ასეთ ადამიანებს მე პირად მტრებად მივიჩნევ.

ამავდროულად, იმედი მაქვს, რომ ჩვენ გავერთიანდებით ასეთი გამოვლინებების წინააღმდეგ. ვიმედოვნებ, ვალერი პეკარ, თქვენთვისაც მიუღებელია, როდესაც ჩვენ, 100%-ით უკრაინულ გუნდს, აზრითაც და მოქალაქეობითაც, ”ქართველი რეფორმატორების გუნდს” გვიწოდებენ. მე ვამაყობ ჩვენი ქართული რეფორმებით, მაგრამ მიმაჩნია, რომ უკრაინულ კონტექსტში ”ქართველობაზე” აქცენტი სულ სხვა მიზნით კეთდება” - წერს სააკაშვილი.

შეგახსენებთ, დაშა შიჟმა, ფეისბუკზე პოსტი გამოაქვეყნა, რომელშიც უკრაინის პრეზიდენტი, პეტრო პოროშენკო ვალცმანად მოიხსენია. პოსტის გამოქვეყნების შემდეგ, შიჟი კრიტიკის ქარ-ცეცხლში გაეხვა. მოგვიანებით, მან პოსტი წაშალა და ბოდიში მოიხადა.