ირანის უზენაესი ლიდერის, აიათოლა ალი ხამენეის განცხადებით, ბირთვულ შეთანხმებასთან დაკავშირებით, აშშ-ის „ნებისმიერ არასწორ ნაბიჯს ირანის პასუხი მოჰყვება.“
„ირანი ძლიერი ქვეყანაა და მტკიცედ დგას, და ნებისმიერ არასწორ ნაბიჯს დომინანტი რეჟიმისგან, ისლამური რესპუბლიკის პასუხი მოჰყვება“ - განაცხადა ხამენეიმ კვირას პოლიციის ოფიცრებთან შეხვედრისას, რომელის სახელმწიფო ტელევიზიით გადაიცემოდა.
შეგასენებთ, ბირთვული პროგრამის შესახებ საერთაშორისო შეთანხმებას ხელი 2015 წელს მოეწერა, რომლის მიხედვითაც ირანისგან ბირთვული პროგრამის შეჩერების სანაცვლოდ, თეირანს ეკონომიკური სანქციების ნაწილი მოეხსნა.
ამერიკის ამჟამინდელი პრეზიდენტი დონალდ ტრამპი კი ბირთვულ შეთანხმებას ხშირად აკრიტიკებს და ობამას ადმინისტრაციის შეცდომას უწოდებს. გასულ კვირას ტრამპმა განაცხადა, რომ ირანი არღვევს შეთანხმების „სულისკვეთებას.“
მასალის გამოყენების პირობები






