Linkin Park-ის სოლისტის ჩესტერ ბენინგტონის მეუღლემ, ტალინდამ ტვიტერზე ოჯახური ვიდეო გამოაქვეყნა, რომელიც მუსიკოსის თვითმკვლელობამდე 36 საათით ადრე არის გადაღებული. ვიდეოში ჩანს როგორ ერთობა ჩესტერი ოჯახთან ერთად და ეთამაშება ბავშვებს.

ტალინდა ტვიტერზე წერს: „ჩემი ეს ტვიტი ყველაზე პირადულია, რაც ოდესმე გამომიქვეყნებია. მე ამას გიჩვენებთ იმისთვის, რომ იცოდეთ, დეპრესიას არ აქვს სახე ან განწყობა. აი როგორ გამოიყურებოდა დეპრესია 36 საათით ადრე მის სიკვდილამდე. მას ჩვენ ძალიან ვუყვარდით და ჩვენც ძალიან გვიყვარდა“

41 წლის ჩესტერ ბენინგტონი გარდაცვლილი კალიფორნიაში, საკუთარ სახლში 20 ივლისს იპოვეს, სიკვდილის მიზეზი თვითმკვლელობა გახდა. ბენინგტონი მის სახლთან ახლოს ბოტანიკურ ბაღში დაკრძალეს.