თურქეთის ხელისუფლების მიერ დაპატიმრებული ფრანგი ჟურნალისტი ლუ ბურო, სამშობლოში დაბრუნდა. ამის შესახებ ორგანიზაცია „რეპორტიორები საზღვრებს გარეშე“ გენერალური მდივანი კრისტოფერ დელუარი წერს.

დელუარის ცნობით, ლუ ბურო, რომელსაც აეროპორტში საფრანგეთის კულტურის მინისტრი დახვდა, პრეზიდენტ ემანუელ მაკრონს ტელეფონით ესაუბრა. ბუროს გათავისუფლების შესახებ პირველი ინფორმაცია მისმა ადვოკატმა მარტელ პრადელმა გაავრცელა.

ლუ ბურო, დამოუკიდებელი ფარნგი ჟურნალისტია, რომელიც TV5 Monde, Arte და Slate-თან თანამშრომლობს. ის 26 ივლისს ერაყისა და თურქეთის საზღვარზე დააკავეს და "ქურთების სახალხო პარტიის" საქმიანობის პროპაგანდაში დასდეს ბრალი..