დიდი ბრიტანეთის პოლიციამ ლონდონის მეტროს ტერაქტის საქმეზე მეორე ეჭვმიტანილი დააკავეს. 21 წლის ახალგაზრდა სამართალდამცველებმა ლონდონის დასავლეთ რაიონში მასშტაბური სპეცოპერაციის შედეგად აიყვანეს. გამოძიების ფარგლებში პოლიციელებმა რამდენიმე მისამართზე ჩაატარეს ჩხრეკა.

პოლიცია ეჭვმიტანილის ვინაობას არ ასახელებს და აცხადებს, რომ ის ტერორიზმის ბრალდებითაა დაკავებული და ამჟამად დაკითხვაზე იმყოფება.

მეტროს მატარებელში მომხდარი აფეთქების საქმეზე, პოლიციამ პირველი ეჭვმიტანილი გუშინ დააკავა. 18 წლის ახალგაზრდა ქალაქ დუვრის პორტში აიყვანეს.

მეტროსადგურ Parsons Green-ში მატარებლის ვაგონში აფეთქება 15 სექტემბერს მოხდა, ხელნაკეთი ასაფეთქებელი მოწყობილობა მეტროს ვაგონში აფეთქდა, შედეგად 30 ადამიანი დაშავდა.