ლონდონში მომხდარ აფეთქებას აშშ-ის პრეზიდენტი, დონალდ ტრამპი ეხმაურება.

„ხელმოცარულმა ტერორისტებმა კიდევ ერთი თავდასხმა მოაწყვეს ლონდონში. ისინი ავადმყოფები და შეშლილები არიან, რომელთაც სკოტლანდ იარდი უთვალთვალებდა. საჭიროა მეტი პროაქტიულობა.

ხელმოცარულ ტერორისტებს უფრო მკაცრად უნდა მოვექცეთ. ისინი გადაბირების ინსტრუმენტად ყველაზე ხშირად ინტერნეტს იყენებენ, რომელიც უნდა შევზღუდოთ და უკეთ გამოვიყენოთ“ - წერს ტრამპი თვითერზე.

შეგახსენებთ, ლონდონში, მეტროსადგურ Parsons Green-ში მატარებლის ვაგონში აფეთქება დღეს მოხდა. ვაგონში, პლასტმასის სათლში აფეთქდა, რომელშიც აასაფეთქებელი მოწყობილობა იყო მოთავსებული. პოლიციამ შემთხვევას ტერაქტის კვალიფიკაცია მიანიჭა.

აფეთქებას მეტროში პანიკა და ჭყლეტა მოჰყვა, რის გამოც 18 ადამიანი დაშავდა.