,,რუსეთი ისევ არაპროგნოზირებადია და ეს საქართველოსა და უკრაინის ოკუპაციით დაამტკიცა"

,,რუსეთი ისევ არაპროგნოზირებადია და ეს საქართველოსა და უკრაინის ოკუპაციით დაამტკიცა" - დალია გრიბაუსკაიტე

მსოფლიო - 14:57, 14 Sep, 2017

1894

ლიტვის პრეზიდენტის, დალია გრიბაუსკაიტეს განცხადებით, რუსეთ-ბელარუსის სამხედრო წვრთნები საფრთხისშემცველია ლიტვისთვის.

cnbc-ის ცნობით, გრიბაუსკაიტეს თქმით, არსებობს „ძალიან დიდი“ ალბათობა იმისა, რომ წვრთნების დასრულების შემდეგ რუსული სამხედრო ტექნიკა ბელორუსში დარჩეს.

„რუსეთი ისევ ძალიან, ძალიან არაპროგონოზირებადია. ეს არაპროგნოზირებადობა რუსეთმა უკრაინის და საქართველოს ოკუპაციით დაამტკიცა " - განაცხადა ლიტვის პრეზიდენტმა.

„ისტორიამ გასწავლა, რომ ჩვენ უნდა დავაკვირდეთ და ყოველთვის ვიყოთ მზად რუსეთის ქმედებებისთვის” - დასძინა ლიტვის პრეზიდენტმა.

რუსეთსა და ბელარუსში ერთობლივი მასშტაბური სამხედრო სწავლება „ზაპად-2017“ დაიწყო, რომელიც 20 სექტემბრამდე გაგრძელდება.

სტრატეგიულ მანევრებში 12 000-ზე მეტი რუსი სამხედრო მიიღებს მონაწილობას.

მობილიზებულია სამხედრო ტექნიკა და ავიაციაც - 70 ვერტმფფრენი და თვითმფრინავი, 680 ერთეული სამხედრო ტექნიკა, მათ შორის 250 ტანკი, 200 იარაღი, რაკეტები, ნაღმტყორცნები და საბრძოლო ხომალდები.

დასავლეთში რუსეთის მიერ დაგეგმილი წვრთნების გამო უკმაყოფილება არაერთხელ გამოთქვეს. როგორც ცნობილია, ჩრდილოატლანტიკური ალიანსის მხრიდან მასშტაბურ წვრთნებს მხოლოდ რამდენიმე დამკვირვებელი დაესწრება.