ამაზონის უკონტაქტო ტომის წევრები ოქროს უკანონოდ მომპოვებლების თავდასხმას ემსხვერპლნენ.

როგორც NYT იტყობინება, ბრაზილიის პროკურატურამ გამოძიება დაიწყო გავრცელებულ ინფორმაციაზე , რომ ოქროს მოპოვებისას, ამაზონასის შტატის ტყეებში, განცალკევებით მცხოვრები ტომის 10 წევრი მოკლეს, მათ შორის ქალები და ბავშვები.

გავრცელებული ცნობით, აღნიშული ფაქტის შესახებ მას შემდეგ გახდა ცნობილი, რაც ოქროს მომპოვებელმა მაღაროელებმა, კოლუმბიის საზღვართან ერთ-ერთ ბარში დაიტრაბახეს, რომ „ველური ტომის“ წევრები დახოცეს , დაანაწევრეს და წყალში გადაყარეს.

გავრცელებული ცნობით, თავდასხმა გასულ თვეს, დასავლეთ ბრაზილიაში, მდინარე ჟანდიატუბას ნაპირებზე მოხდა.

როგორც საქმის პროკურორი პაბლო ლუზ დე ბელტრად აცხადებს, აღნიშნულ ცნობაზე გამოძიება ნამდვილად დაწყებულია.

„ტერიტორიის შემოწმება უკვე დავიწყეთ, თუმცა, ეს ტომი კონტაქტოა, ამიტომ ვრცელ არეალზე წვდომა არ გვაქვს. სამუშაო რთულია და ყველა სამთავრობო დეპარტამენტის ერთიან მუშაობას მოითხოვს“ - განაცხადა პრკურომა.

მისი თქმით, წლის განმავლობაში, უკონტაქტო ტომის წევრების მკვლელობასთან დაკავშირებით აღძრული, ეს უკვე მეორე საქმეა. თებერვალში, უკონტაქტო ინდიელთა ტომის წარმომადგენლები მოკლეს, საქმე ჯერაც ღიაა.

„თებერვლის შემთხვევა პირველი იყო, რაც ჩვენს რეგიონში დაფიქსირდა. მსგავსი რამე აქ არ ხდებოა“ - დასძინა მან.

საქმეში არსებობს აუდიოჩანაწერი, რომელშიც ისმის, თუ როგორ საუბრობენ მამაკაცები ჩადენილ დანაშაულზე. ამავდროულად, როგორც ადგილობრივები ყვებიან, მაღაროელებმა მსხვერპლთა ხელსაწყოები და ძვირფასი ნივთებიც შეაგროვეს, რამდენიმე ნივთი მათ ბარში თავად ნახეს.

ოქროს ორივე მომპოვებელი დაკავებულია.

აღნიშნულ ტომს „ფლეშეირას“ ანუ ისრის მსროლელებს ეძახიან. ტერიტორია, სადაც ისინი ცხოვრობენ პერუს, ბრაზილიისა და ბოლივიის საზღვარზე მდებარეობს. მიჩნეულია, რომ ამ ზონაში ყველაზე მეტი უკონტაქტო ტომი სახლობს - დაახლოებით 20 იზოლირებული ჯგუფი, რომელიც 2000-მდე ადამიანს ითვლის.