მას შემდეგ, რაც სააკაშვილი სასამართლოში სარჩელს შეიტანს, უკრაინა მას საქართველოს ვეღარ გადასცემს

მას შემდეგ, რაც სააკაშვილი სასამართლოში სარჩელს შეიტანს, უკრაინა მას საქართველოს ვეღარ გადასცემს - უკრაინელი იურისტი

მსოფლიო - 22:06, 13 Sep, 2017

8442

უკრაინულ მედიაში ფართოდ განიხილება საკითხი მიხეილ სააკაშვილის მიერ მისთვის მოქალაქეობის ჩამორთმევის აქტის სასამართლოში გასაჩივრების საკითხი. ამ თემაზე თავის მოსაზრებას გამოთქვამს იურისტი, ექსპერტი-კრიმინოლოგი ანა მალიარი.

იურისტი ხაზს უსვამს იმ ფაქტს, რომ სააკაშვილს მოუწევს დამტკიცება, დაუმალა თუ არა მან შესაბამის ორგანოებს ის ფაქტი, რომ მასზე საქართველოშ სისხლის სამართლის საქმე იყო აღძრული. იგი თვლის, რომ ეს საკმაოდ რთული პროცესი იქნება, თუმცა საინტერესო იქნება, რამდენად დაისჯება ის ჩინოვნიკი, რომელმაც პეტრო პოროშენკოს სააკაშვილისთვის მოქალაქეობის მ ინიჭების თაობაზე საბუთები შეუტანა. მას ხომ უნდა გადაემოწმებინა ყველა მონაცემი და ინფორმაცია მის შესახებ.

მალიარი აცხადებს, რომ მნიშვნელოვანია ის ფაქტიც, რომ პრეზიდენტმა სააკაშვილს მოქალაქეობა ქვეყანაში არყოფნის დროს ჩამოართვა.

"ამ სიტუაციას, ფაქტია, გასდევს პოლიტიკური ელფერი. ეს ფაქტია, ჯერ ერთი ორივე მათგანი პოლიტიკოსები არიან. ამასთან თუ გავიხსენებთ, რა დროს გამოსცა პრეზიდენტმა სააკაშვილისთვის მოქალაქეობი ჩამორთმევის განკარგულება, ცხადია, რომ მისი მოტივაცია ნამდვილად არ იყო მხოლოდ სამართლებრივი. იმ დროს სააკაშვილი არ იყო უკრაინაში და მომენტალურად ვერ გაასაჩივრებდა ამ განკარგულებას. მეტიც, ამ შემთხვევაში უკრაინა იძულებული იქნებოდა მისთვის სხვა დოკუმენტი - მოქალაქეობის არმქონე პირის მოწმობა მიეცა," - აცხადებს ექსპერტი.

დასასრულს, ანა მალიარი მიიჩნევს, რომ იმ დროიდან, რაც სააკაშვილი სასამართლოში სარჩელს შეიტანს, უკრაინა მას საქართველოს ვეღარ გადსასცემს, სანამ უკრაინის უმაღლესი ადმინისტრაციული სასამართლო მისთვის მოქალაქეობის ჩამორთმევის საკითხის განხილვას არ დაასრულებს.