რას პასუხობს სააკაშვილი ილია კივას, რომელიც მოძრაობა "ანტისააკაშვილს" ქმნის

მსოფლიო - 18:08, 13 Sep, 2017

5279

უკრაინას შინაგან საქმეთა მინისტრის ყოფილი მრჩეველი ილია კივა გეგმავს, რომ ახალი მოძრაობა შექმნას, რომელიც მიხეილ სააკაშვილის წინააღმდეგ გამოვა. როგორც მან უკრაინულ მედიასთან განაცხადა, უკრაინის ხელისუფლებამ საქართველოს ყოფილი პრეზიდენტი უნდა დააკავოს.

გარდა ამისა, ეროვნული პოლიციის ნარკოტრაფიკის წინააღმდეგ ბრძოლის განყოფილების ყოფილმა უფროსმა რამდენიმე დღის წინ განაცხადა, რომ საზღვრის უკანონო გადაკვეთის შემთხვევაში სააკაშვილსა და მის მხარდამჭერებს ესროდა.

„სააკაშვილი- ეს გაღიზიანების ფაქტორია, რომლისგანაც ჩვენ ძალიან მალე დავიღლებით. მე სათავეში ჩავუდგები მოძრაობას: „ანტისააკაშვილი: მოძრაობა ქვეყნის სიბინძურისგან გასაწმენდად“- განაცხადა კივამ.

კივას განცხადებას ოდესის ყოფილი გუბერნატორი და ამჟამად უკრაინული ოპოზიციის ერთ-ერთი ლიდერი მიხეილ სააკაშვილი გამოეხმაურა.

„ეს რაღაცას მაგონებს. ლოზუნგიც, სახეებიც მსგავსია. იანუკოვიჩის ერთი მსგავსი მოღვაწეც, ჟილინი, მსგავს ანტიხალხურ მოძრაობას „ანტიმაიდანს“ ედგა სათავეში, ახლა კი მისი მემკვიდრე გაჩნდა „ანტისააკაშვილით“ , რომელიც ერთი-ერთში იმეორებს მის ქმედებებს. განსხვავება მხოლოდ პრეზიდენტების სახელებშია, მხოლოდ ეს სახელები შეიცვალა“- დაწერა მიხეილ სააკაშვილმა ფეისბუკზე.