პრეზერვატივი-მახე, რომელიც ქალებს გაუპატიურებისგან იცავს

ეს საინტერესოა - 13:56, 13 Sep, 2017

99911

მსოფლიოს სხვადასხვა ქვეყანაში ქალთა მიმართ ძალადობის განსხვავებული სტატისტიკური მონაცემები არსებობს. განსაკუთრებით დიდი მსგავსი შემთხვევები დაბალი ეკონომიკური განვითარების ქვეყნებში.

სამხრეთ აფრიკელმა ექიმმა, სონეტ ეგლერსმა ქალების დასაცავად უცნაური გზა იპოვა - პრეზერვატივი-მახე, რომელიც ქალებს გაუპატიურებისგან იცავს.

ექიმი აღნიშნულ მოწყობილობაზე 40 წლის განმავლობაში მუშაობდა. ის მიიჩნევს, რომ მისი გამოგონება მნიშვნელოვნად შეამცირებს სექსუალური ხასიათის დანაშაულს მთელი მსოფლიოს მასშტაბით. სოციალურ ქსელებში ექიმის გამოგონებას „კბილებიანი პრეზერვატივიც“ უწოდეს.

კონტრაცეპტივი თავსდება როგორც ტამპონი.

მისი კბილებიდან გათავისუფლება კი მხოლოდ ქირურგიული ჩარევით არის შესაძლებელი. ექიმის თქმით, ამ შემთხვევაში კი ექიმი აუცილებლად აცნობებს სამართალდამცავებს და დამნაშავეც დაისჯება.

„ეს აძალიან მტკივნეულია. თუკი ამ მოწყობილობისგან გათავისუფლებას პირი თავად შეეცდება , ის კიდევ უფრო ჩაიკეტება და უფრო მტკივნეული იქნება“ - ამბობს ექიმი.

სონეტის გამოგონებას მწვავე დისკუსია მოჰყვა. მისი მოწინააღმდეგეები ამბობენ, რომ თუკი შესაძლოა, დამნაშავე მსგავს სახიფათო მდგომარეობაში აღმოჩნდეს, ის მსხვერპლს კიდევ უფრო დიდ ზიანს მიაყენებს.