მიხეილ სააკაშვილის ადვოკატმა მარკიან გალაბალამ განაცხადა, რომ საზღვრის გადაკვეთა იყო კანონიერი აქტი, რადგან ის უკიდურესი აუცილებლობის პირობებში განხორციელდა. მან აღნიშნა, რომ სასაზღვრო გამშვებ პუნქტთან სააკაშვილსა და მის გვერდით მყოფ პირებს სხვა გზა არ ჰქონდათ, საკუთარი უსაფრთხოების დაცვიდან გამომდინარე.

"ცალსახაა, რომ ეს იყო კანონიერი, რადგამ "უკრაინის სახელმწიფო საზღვრის შესახებ კანონის 9-ე მუხლის 9-ე პუნქტის თანახმად, ნებისმ,იერ ადამიანს შეუძლია უკიდურესი აუცილებლობის შემთხვევაში გადაკვეთოს საზღვარი ოფიციალური პროცედურების დაცვის გარეშე.

რა იყო ეს უკიდურესი აუცილებლობა? ჩვენ ვიმყოფებოდით სასაზღვრო გამშვები პუნქტის დანაღმულ ზონაში. შესაბამისად, რადგან ჩვენ ვიმყოფებოდით აფეთქების საშიშროების ზონაში, ჩვენ უნდა გავშორებოდით მას. ჩვენ მივმართეთ გენერალს, მაგრამ მან უარი განაცხადა ჩვენს ევაკუაციაზე, ჩვენი განცხადებაც კი არ მიიღო," - აცხადებს ადვოკატი.