ჰოლივუდის ლეგენდამ, მსახიობმა რობერტ დე ნირომ პირობა დადო, რომ ქარიშხალ „ირმას“ მიერ განადგურებულ კუნძულ ბარდბუდას აღდგენაში საკუთარი სახსრებით მიიღებს მონაწილეობას.

74 წლის ოსკაროსანი მსახიობის თქმით, ის , რაც ადგილობრივებს „ბუნებამ წაართვა,“ ერთიანი ძალებით უნდა აღადგინონ.

არ უნდა დავნებდეთ და არ უნდა შევურიგდეთ მომხდარს" - განაცხადა მსახიობმა.

შეგახსენებთ, ქარიშხალმა "ირმამ" ანტიგუა და ბარბუდას ინფრასტრუქტურის 90 % გაანადგურა.

გამანადგურებელი ქარიშხალი "ირმა" ძალას კარგავს, ის პირველ კატეგორიამდე შემცირდა. თუმცა, თავისი ძალის ჩვენება უკვე მოასწრო, რასაც 27 ადამიანის სიცოცხლე ემსხვერპლა. განადგურდა ინფრასტუქურა კარიბის ზღვის კუნძულებზე.

„ირმა“ ამჟამად ფლორიდას დაატყდა თავს. მანამდე, ფლორიდაში 6,3 მილიონი ადამიანის ევაკუაცია განხორციელდა.

ქარიშხალი „ირმა" უფრო ძლიერი აღმოჩნდა, ვიდრე ქარიშხალი„ჰარვი“, რომელიც აგვისტოს ბოლოს ტეხასის შტატს თავს დაატყდა.