სამოქალაქო დაპირისპირების თავიდან აცილების ერთადერთი საშუალება ვადამდელი არჩევნებია

სამოქალაქო დაპირისპირების თავიდან აცილების ერთადერთი საშუალება ვადამდელი არჩევნებია - უკრაინელი პოლიტიკოსი

მსოფლიო - 17:14, 11 Sep, 2017

1670

მოვლენებმა, რომლებიც სააკაშვილის უკრაინის ტერიტორიაზე შემოსვლის დროს განვითარდა, კიდევ ერთხელ დაადასტურა, რომ უკრაინაში სახელისუფლო ინსტიტუტები და სტრუქტურები არ მუშაობს, ისინი პარალიზებულია, - აცხდებს უკრაინის მესამე, მეექვსე და მეშვიდე მოწვევის პარლამენტის წევრი ვიტალი ჟურავსკი.

მას მიაჩნია, რომ ამ პროცესებმა საზოგადოებასა და მსოფლიოს დაანახა, რა პრობლემებია საზღვარზე. არანაკლები "წარმატებით" მიდის საქმეები ეკონომიკასა და სოციალურ სფეროში. ფასები და ტარიფები მძიმე ტვირთად აწევს ხალხს, რაზეც ხელს ითბობს მთავრობა და ოლიგარქები.. დაგეგმილი რეფორმები ჯანდაცვასა და საპენსიო სფეროში კიდევ უფრო მძიმე ტვირთად დააწვება საზოგადოებას. არავინ ზრუნავს ახალი სამუშაო ადგილების შექმნისთვის და მზარდი უმუშევრობის დაძლევისთვის. ყველაზე ენერგიული და წარმატებული უკრაინელები საზღვარგარეთ წავლემ, - მიიჩნევს პოლიტიკოსი.

"ამას ისიც ემატება, რომ პარლამენტში არანაირი უმრავლესობა არ არსებობს, არის სიტუაციური უმრავლესობა, რომელიც სხვადასხვა თემაზე კულუარული მოლაპარაკებების, სისიხლის სამართლებრივი დევნის დაწყების მუქარისა და კორუფციის შედეგად იქმნება. ყველაფერ ამას ქვეყანა ქაოსისა და განუკითხაობისკენ მიყავს," - წერს ჟურავსკი.

სწორედ ზემოჩამოთვლილი მიზეზების გამო მიაჩნია მას, რომ ვითარებიდან საუკეთესო გამოსავალი ვადამდელი არჩევნებია.