უკრაინაში ვადამდელ საპარლამენტო და საპრეზიდენტო არჩევნებს ითხოვენ

მსოფლიო - 16:20, 11 Sep, 2017

3744

პარტია „ოპოზიციური ბლოკი“ უკრაინაში ვამადმელი საპარლამენტო და საპრეზიდენტო არჩევნების ჩატარებას ითხოვს.

პარტიის მეირ გავრცელებულ განცხადებაში ნათქვამია, რომ არსებული კრიზისიდან გამოსვლის ეთადერთი გზა, ვამადმელი საპარლამენტო არჩევნებია.

„სააკაშვილისთვის მოქალაქეობის ჩამორთმევა, მის დასაცავად პროპაგანდისტული კამპანია და უკრაინის საზღვარზე განვითარებული მოვლენები - ხელისუფლების დაბნეულობის, ამორალურობისა და იმ ფაქტის მაჩვენებელია, რომ მთავრობა ღრმა კრიზისში იმყოფება. კიდევ ერთხელ, ასობით უკრაინელი გაბანკროტებული პოლიტიკოსების ბინძურ თამაშში ებმება. ხელისუფლების კანონსაწინააღმდეგო ქმედებამ, შესაძლოა, ეროვნულ კატასტროფამდე მიგვიყვანოს" - ნათქვამია პარტიის მიერ გავრცელებულ განცხადებაში.

შეგახსენებთ, 10 სექტემბერს, მიხეილ სააკაშვილი უკრაინაში ჩავიდა. უკრაინა-პოლონეთის საზღვარზე სერიოზული დაბრკოლებების მიუხედავად სააკაშვილმა მისი გადაკვეთა მაინც შეძლო. " შეგინის" სასაზღვრო პუნქტთან, უკრაინის ტერიტორიაზე მყოფმა სააკაშვილის მხარდამჭერებმა კორდონი გაარღვიეს და სააკაშვილი უკრაინის ტერიტორიაზე გადაიყვანეს, რის შემდეგაც მიხეილ სააკაშვილი, მხარდამჭერებთან ერთად ლვოვში ჩავიდა.