საქართველოს მესამე პრეზიდენტი და ოდესის ოლქის ყოფილი გუნერნატორი, მიხეილ სააკაშვილი ამ წუთებში უკრაინელ პოლიტიკოსებს ხვდება.

როგორც უკრაინული მედია იტყობინება, სასტუმრო "ლეოპოლისში" უკვე მივიდნენ იულია ტიმოშენკო , სერგეი ვლასენკო, სემენ სემენჩეკო .

ეს ის პოლიტიკოსები არიან, რომლებიც უკრაინის საზღვრის გადაკვეტისას, სააკაშვილის გვერდით იყვნენ.

ჯერჯერობით უცნობია, რა თემაზე შედგება შეხვედრა, თუმცა როგორც პოლიტიკოსები აცხადებენ, საუბარი ქვეყნის ბედს შეეხება.

მიხეილ სააკაშვილი პრესსამსახურში კი აცხადებენ, რომ დღეს, მომავალ გეგმებთან დაკავშირებით, მიხეილ სააკაშვილი ოფიციალურ განცხადებას გააკეთებს.

შეგახსენებთ, 10 სექტემბერს, მიხეილ სააკაშვილი უკრაინაში ჩავიდა. უკრაინა-პოლონეთის საზღვარზე სერიოზული დაბრკოლებების მიუხედავად სააკაშვილმა მისი გადაკვეთა მაინც შეძლო. " შეგინის" სასაზღვრო პუნქტთან, უკრაინის ტერიტორიაზე მყოფმა სააკაშვილის მხარდამჭერებმა კორდონი გაარღვიეს და სააკაშვილი უკრაინის ტერიტორიაზე გადაიყვანეს, რის შემდეგაც მიხეილ სააკაშვილი, მხარდამჭერებთან ერთად ლვოვში ჩავიდა.