სირიაში ISIS-ის "ომის მინისტრი" მოკლეს - ინფორმაციას რუსეთის თავდაცვის უწყება ავრცელებს

მსოფლიო - 13:39, 08 Sep, 2017

2116

რუსეთის თავდაცვის სამინისტროს მტკიცებით, რუსული ავიაციის მიერ სირიაში დეირ-ეზ-ზორას პუნქტზე განხორციელებული შეტევის შედეგად ლიკვიდირებული იქნა ე.წ ისლამური სახელმწიფოს „ომის მინისტრი“ გულმუროდ ხალიმოვი. უწყების ინფორმაციით ხალიმოვის გარდა მოკლულილ იქნა სამი გავლენიანი საველე მეთაური, მათ შორის დეირ-ეზ-ზორას ამირა, აბუ მუჰამად აშ შიმალი, რომელიც ფინანსებზე და ახალწვეულების ISIS-ის საწვრთნელ ბაზებზე გადაყვანას კურირებდა, ზოგიერთი ევროპული ქვეყნის სპეცსამსახური სწორედ მას თვლის პარიზის 2015 წლის ნოემბრის ტერაქტის ორგანიზატორად. რუსეთის თავდაცვის უწყების ასევე იტყობინება, რომ განადგურებულია 40 რიგითი ბოევიკი და მათი კომუნიკაციის კვანძი.

რუსეთის თავდაცვის სამინისტრო აცხადებს , რომ შეტევა განხორციელდა ბოევიკებისა და მათი მეთაურების შეკრების დროს, სადაც ისინი სირიის არმიაზე შეტევის გეგმას განიხილავდნენ.

ტაჯიკელი გულმუროდ ხალიმოვი რადიკალური ექსტრემისტული დაჯგუფება “ისლამური სახელმწიფოს" ახალი საველე მეთაური 2016 წელს გახდა. მან დაჯგუფებაში თარხან ბათირაშვილის იგივე აბუ ომარ ალ-შიშანის ადგილი დაიკავა, რომელიც კოალიციური ჯარების ავიადარტყმებს ემსხვერპლა.

გალმუროდ ხალიმოვი, ცნობილია როგორც ალ-ტაჯიკი. ის ტაჯიკეთის შინაგან საქმეთა სამინისტროს სპეცდანიშნულების რაზმში ჯერ კიდევ საბჭოთა კავშირის დროიდან მსახურობდა, მისი ISIS-ში გაწევრიანების შესახებ 2015 წელს გახდა ცნობილი