დღევანდელ პროცედურაზე პროკურატურა ითხოვს, რომ ვანო მერაბიშვილს აღმკვეთი ღონისძიების სახით პატიმრობა შეეფარდოს, დაცვის მხარე კი მოითხოვს, რომ შინაგან საქმეთა ყოფილი მინისტრისთვის აღმკვეთი ღონიძიების არცერთი სახე არ იქნას გამოყენებული.

თავად ვანო მერაბიშვილმა კი უარი თქვა დღევანდელ სასამართლო პროცესზე დასწრებაზე

"მესამედ ხდება აღმკვეთი ღონისძიების მოთხოვნა ვანო მერაბიშვილისთვის პროკურატურის მხრიდან, ბატონი მერაბიშვილი ორჯერ უკვე არის დაპატიმრებული და შესაბამისად მესამედ დაპატიმრება ყოველგვარ საფუძველს არის მოკლებული, ჩვენ გვექნება შუამდგომლობა, რომ საერთოდ აღმკვეთი ღონისძიების გარეშე იქნეს დარჩენილი", - განაცხადა ვანო მერაბიშვილის ადვოკატმა, გიორგი ჩივიაშვილმა.