მათი ნაწილი სახლიდან, ნაწილი კი სხვადასხვა დაწესებულებებიდან აიყვანეს. დაკავებულები ამ წუთებში იმყოფებიან ფინანსთა სამინისტროს საგამოძიებო სამსახურში, იქვე იმყოფებიან მათი ადვოკატები, რომლებიც ელოდებიან თავიანთი დაცვის ქვეშ მყოფებთან შესვლის ნებართვას. ადვოკატების თქმით, მათ ბრალი გაფლანგვის მუხლით წარედგინათ. ადვოკატების განცხადებით, დილით გათავისუფლებულთა ხელმეორე დაკავება მხოლოდ იმითაა განპირობებული, რომ ამ პირებმა დილით მომხდარი უკანონო დაკავების გამო არ იჩივლონ, რასაც აპირებდნენ.

რამდენიმე წუთის წინ ფინანსთა სამინისტროს საგამოძიებო სამსახურში საგანგებო ბრიფინგი ჩატარდა, სადაც დაკავების ფაქტი დაადასტურეს. საგამოძიებო სამსახურის ინფორმაციით, იძებნება გიორგი საბანაძე, რომელიც მიმალვაშია.

"კურიერის" სპეცგამოშვებაში უჩვენეს ექსკლუზიური კადრები იმის შესახებ, თუ როგორ დააკავეს "ბუდა ბარში" ერთ-ერთი ბრალდებული, რომელიც იქ დაბადების დღეს თანამშრომლებთან ერთად აღნიშნავდა.