საუკუნის საქმე - დეკანოზ გიორგი მამალაძეს 9 წლიანი პატიმრობა მიესაჯა

პოზიცია - 12:06, 05 Sep, 2017

4103

ე.წ. ციანიდის საქმე - მოსამართლე ბესიკ ბუგიანიშვილმა ბრალდებული მამა გიორგი მამალაძის განაჩენი გამოაცხადა. დასკვნითი სასამართლო სხდომა 12:00 საათზე დაიწყო.

სასამართლომ დეკანოზი გიორგი მამალაძე დანმაშავედ სცო. მას 9 წლის ვადით პატიმრობა მიესაჯა.

სასულიერო პირი თავდაპირველად ბრალდებული იყო საქართველოს სისხლის სამართლის კოდექსის 18-108-ე (მკვლელობის მომზადება) და 236-ე მუხლებით (ცეცხლასასროლი იარაღის უკანონო შეძენა-შენახვა), რაც სასჯელის სახედ და ზომად ითვალისწინებდა თავისუფლების აღკვეთას ვადით შვიდიდან თხუთმეტ წლამდე. მოგვიანებით, პროკურატურამ მამალაძეს ბრალი დაუმძიმა და ბრალი სსკ-ის 18, 109-ე მუხლის მე-3 ნაწილის „გ“ ქვეპუნქტით წარუდგინა (განზრახ მკვლელობის მომზადება ანგარებით), რაც სასჯელის სახედ და ზომად 16-დან 20 წლამდე თავისუფლების აღკვეთას ითვალისწინებდა .

საბოლოოდ მოსამართლე ბესიკ ბუგიანიშვილმა დეკანოზი დამნაშავედ სცნო სსკი-ს 18-108-ით, რაც განზრახ მკვლელობის მომზადებას გულისხმობს. მოსამართლემ ბრალდებას მოხსნა ანგარებით მკვლელობის მომზადება.

მოსამართლემ პატიმრობაში მყოფ დეკანოზსს სასჯელი შურისძიების მიზნით მკვლელობის მომზადებისთვის შეუფარდა.

შეგახსენებთ, რომ დეკანოზი ბრალდებულად იქნა ცნობილი პატრიარქის მდივან რეფერანტის მკვლელობის მომზადების მცდელობაში, ასევე იარაღის უკანონო შეძენა-შენახვაში.

მამა გიორგი მამალაძე დღევანდელ სხდომას არ დასწრებია. განაჩენის გამოცხადებას კი დარბაზში ხმაური მოჰყვა.