"არასასურველი ქმედების" გამო რუსეთიდან უცხო ქვეყნის მოქალაქეებს გამოაძევებენ

მსოფლიო - 17:37, 04 Sep, 2017

1886

რუსეთის ფედერაციის საბჭოში მზადდება კანონპროექტი რომელიდ განსაზღვრავს რუსეთის საშინაო დღის წესრიგზე დესტრუქციული ზემოქმედების კრიტერიუმებს და პასუხისმგებლობის დონეს. „არასასურველი ქმედებისთვის“ რომელიც გულისხმობს ეროვნული უსაფრთხოებისთვის ზიანის მიყენებას, რუსეთის მოქალაქეებს დაეკისრებათ პასუხისმგებლობა- ადინისტრაციულიდან დაწყებული , სისხლის სამართლებრივით დამთავრებული, ხოლო უცხო ქვეყნის მოქალაქეებს ქვეყნიდან გააძევებენ. აღნიშნულ კანონპროექტს სახელმწიფო სუვერენიტეტის დაცვისა და რუსეთის შიდა საქმეებში ჩარევის თავიდან აცილების ფარგლებში, რუსეთის ფედერაციის საბჭო ამზადებს. დოკუმენტი სახელმწიფო დუმას შესაძლოა 2018 წლის იანვარში წარუდგინონ.

ქმედების „არასასურველობა“ განისაზღვრება იმ კონტექსტში, არის თუ არა ამა თუ იმ პირის ქმედებები რეალური საფრთხე ეროვნული უსაფრთხოებისთვის, მათ შორის „ეროვნული და რელიგიური სიძულვილის და პოლიტიკური უთანხმოების წახალისება“ ასევე საარჩევნო პროცესში პოტენციური ჩარევის ფაქტები. ამასთანავე არასასურველად შეიძლება ჩაითვალოს „გარედან მუშაობა“ რუსულ საგანმანათლებლო დაწესებულებებთან და ახალგაზრდებზე ზეგავლენის მოხდენა.

ამჟამად განიხილება კანონის პრაქტიკაში გამოყენების რამდენიმე ვარიანტი, ერთ-ერთი მათგანი ითვალისწინებს იმას, რომ რუს დეპუტატებს ქონდეთ შესაძლებლობა მოსთხოვონ გენერალურ პროკურატურას დაიწყოს გამოძიება იურიდიულ თუ ფიზიკურ პირთან დაკავშირებით „არასასურველი ქმედების“ საბაბით.