რა გიშლით ხელს, რომ თქვენი ოცნების სამსახური იპოვოთ - მითები, რომელსაც თავი დღესვე უნდა დააღწიოთ

ეს საინტერესოა - 17:01, 04 Sep, 2017

1946

გახდე შეფ-მზარეული, მას შემდეგ, რაც რამდენიმე წელი იურიდიულზე სწავლობდი, ადვილი არაა, მაგრამ რეალურია. იმისათვის, რომ კარდინალურად შეიცვალოთ საქმიანობის სფერო, დღეისთვის ყველა შესაძლებლობა არსებობს, უბრალოდ საჭიროა მათი გამოყენება.

თავდაპირველად თქვენ შეგეშინდებათ, რომ არაფერი გამოგივათ, ან ამისთვის „ძალიან ბებერი“ ხართ, მაგრამ ეს ყველაფერი მითია და მათ თავი რაც შეიძლება სწრაფად უნდა დააღწიოთ.

მითი 1: ყველაფრის კეთება თავად მოგიწევთ

რა თქმა უნდა, იმის შემდეგ რაც შეჩვეულ სამსახურს დატოვებთ, უკვე აღარც უფროსი გეყოლებათ გვერდით და არც საყვარელი კოლეგები. მაგრამ მხარდაჭერის გარეშე მაინც არ დარჩებით, თქვენ ხომ მეგობრები, ოჯახის წევრები, საყვარელი ადამიანი ისევ გყავთ, რომლებიც თქვენ ყველანაირად დაგეხმარებიან.

მითი 2: თუ არაფერი გამოგივათ - მიატოვეთ ყველაფერი და უკან დაბრუნდით

არაფერი გასაკვირი არაა იმაში, რომ საქმიანობის ახალ სფეროში დროის გარკვეულ მონაკვეთში თქვენ ახალბედად ჩაითვლებით. თქვენ მოგიწევთ ახალი რაღაცეების სწავლა. პირველი უიღბლობა არ არის იმის საბაბი, რომ თქვენს ოცნებაზე უარი თქვათ. წარმატებას მხოლოდ მიზანდასახულობა უზრუნველყოფს.

მითი3: რეალობა თქვენი ოცნებების შესაბამისი არ იქნება

როდესაც თქვენ საქმიანობის ახალ სფეროში გადაბარგება მტკიცედ გადაწყვიტეთ, სრულიად ბუნებრივია, რომ თავი იდეალურ ოფისში წარმოიდგინეთ. შესაძლოა ამას მაშინვე ვერ მიაღწიოთ, მაგრამ თუ მე-2 მითის დანგრევას შეძლებთ, მაშინ ეს პრობლემა აღარ წაროიშობა და აუცილებლად მიაღწევთ იმას, რაზეც ოცნებობდით.

მითი4: თქვენ ძალიან ბებერი ხართ

რამდენი წლის ხართ? 30-ის? 50-ის? 80-ის? წარმატების მიღწევა ნებისმიერ ასაკშია შესაძლებელი. ყველას, ვისაც თავისი ცხოვრების შეცვლა უნდა, აერთიანებს ერთი რამ- ცვლილებების სურვილი და გამბედაობა, რომ რუტინას უთხრას „კმარა“

მითი 5: თქვენ არ გექნებათ მაღალი ხელფასი

ყველაფერი რა თქმა უნდა დამოკიდებულია პროფესიაზე. ლოგიკურია რომ IT-კომპანიის წამყვანი თანამშრომელი გაცილებით მეტ ხელფასს აიღებს, ვიდრე მაგალითად ნაკლებადცნობილი რესტორნის შეფ-მზარეული. საერთოდ, საქმიანობის ყველა სფეროში შესაძლებელია განვითარება და ახალი მწვერვალების დაპყრობა. თქვენს ახალ უნარებთან ერთად გაიზრდება თქვენი ხელფასიც, ამასთანავე თქვენ იქნებით ბედნიერი ორშაბათიდან-პარასკევის ჩათვლით და დასვენების დღეებშიც. ამას კი ვერანაირი ფულით ვერ იყიდი.