,,საქართველოს ფინანსთა სამინისტროს საგამოძიებო სამსახური რამდენიმე თვის განმავლობაში დეტალურად სწავლობს ქალაქ თბილისის ბიუჯეტიდან დედაქალაქის რეაბილიტაციის მიზნით მერიის მიერ დაფუძნებულ სპეციალურ ფორმებში აკუმულირებული ათეულობით მილიონი ლარის მართლსაწინააღმდეგო განკარგვის ფაქტებს.

დაწყებული გამოძიებით უტყუარად დადასტურებულია, რომ ქალაქ თბილისის მერიის მაღალი თანამდებობის პირების უშუალო ორგანიზებითა და დანაშაულებრივი ხელშეწყობით, თბილისის რეაბილიტაციის ფინდიდან, რომლის ყოფილი ხელმძღვანელი მიმალვაში იმყოფება, სხვადასხვა ტიპის თვალთმაქცური ოპერაციების მეშვეობით გაფლანგულია 50 მილიონ ლარზე მეტი.

მათ შორის რამდენიმე ათეული მილიონი ლარი უშუალოდ ბანკიდან ნაღდი ფულის სახით არის გამოტანილი და სავარაუდოდ მითვისებულია", - განაცხადა ნათია სუხიტაშვილმა.

თვალსაჩინოებისთვის ფინანსთა სამინისტროს საგამოძიებო სამსახურმა აღნიშნული კორუფციული საქმის მტკიცებულებები წარმოადგინა, კერძოდ კი გამოძიების პროცესში მოპოვებული ვიდეომასალების ნაწილი, რომლებზეც დედაქალაქის მერიის თანამშრომლები პლასტიკური ბარათების გამოყენებით იტაცებენ თბილისელებისაგან გადასახადების სახით აკრებილ თანხებს. რომელიც ქალაქის ინფრასტრუქტურის განვითარებას უნდა მოხმარებოდა.

,,აქვე სრული პასუხისმგებლობით ვაცხადებთ, რომ ამ საქმის ნებისმიერი სახით პოლიტიზირებას ჩვენ განვიხილავთ, როგორც პასუხისმგებლობისგან თავის არიდების მცდელობას, რასაც არ დავუშვებთ.

რაც შეეხება დაკიტხვაზე მყოფი პორების პრეტენზიებს, უფლებამოსილი ორგანოები კანონის მოთხოვნათა შესაბამისად შეისწავლიან აღნიშნულ საკითხს.

თავად საბიუჯეტო თანხების სავარაუდო მითვისება-გაფლანგვის ფაქტებთან დაკავშირებით კი გამძიება გრძელდება და გამოძიების დასრულებისთანავე საზოგადოებას მიეწოდება დეტალური ინფორმაცია საქმის თაობაზე", - აღნიშნულია ფინანსთა სამინისტროს საგამოძიებო სამსახურის განცხადებაში.