საქართველოში ფილმის - "მუსულმანთა უცოდველობა" საჯარო ჩვენებას დაუშვებლად მიიჩნევენ.

საზოგადოება - 15:16, 28 Sep, 2012

357

რაც თავისუფლების განუყოფელი ნაწილია. იგივე ითქმის გამოხატვის თავისუფლების შესახებაც, განსაკუთრებით კი ისეთ თემებთან მიმართებაში, როგორიცაა სხვათა უფლებები, რელიგური და ტრადიციული ფასეულობები. აქედან გამომდინარე, საქართველოს ეკლესია და ამიერკავკასიის მუსლიმთა საქართველოს წარმომადგენლობა დაუშვებლად მიიჩნევენ ფილმ "მუსულმანთა უცოდველობის" საჯაროდ ჩვენებას, რამაც მილიონობით ადამიანი შეურაცხყო და მათი სამართლიანი აღშფოთება და პროტესტი გამოიწვია. შევნიშნავთ იმასაც, რომ ამგვარ პრობლემებს ადგილი აქვს როგორც ისლამთან, ისე სხვა რელიგიებთან მიმართებაში. არაერთხელ ვყოფილვართ მომსწრენი საჯარო სივრცეში ქრისტიანთა რელიგიური გრძნობების მკრეხელური სახით შელახვისა. სამწუხაროდ, ასეთ ფაქტებს ადგილი ჰქონდა საქართველოშიც. ამგვარი ქმედებები რელიგიურ შუღლს აღვივებს და ცალკეულ ქვეყნებში და საერთაშორისო მასშტაბითაც სერიოზულ საფრთხეს უქმნის მშვიდობას, რადგან პროტესტის აგრესიულ ფორმებს იწვევს, რაც, მართალია, სრულიად მიუღებელია, მაგრამ მსოფლიო დღესაც ამ რეალობის წინაშე დგას. ეს ყველამ უნდა გაითვალისწინოს და თავისი წვლილი შეიტანოს, რომ მომავალში მსგავსი დაპირისპირებები თავიდან იქნას აცილებული, რაც გულისხმობს გამოხატვის უფლებას ისე, რომ სხვათა უფლებები არ დაირღვას", - ნათქვამია საპატრიარქოს განცხადებაში, რომელსაც ხელს სრულიად საქართველოს კათოლიკოს-პატრიარქის ქორეპისკოპოსი თეოდორე (ჭუაძე) და ამიერკავკასიის მუსლიმთა საქართველოს წარმომადგენელი ახუნდი ალი ალიევი აწერენ.