რა საიდუმლოს ინახავდა პრინცესა დაიანას საქორწილო ფეხსაცმელი (ფოტოკოლაჟი)

ეს საინტერესოა - 12:40, 31 Aug, 2017

24948

პრინცესა დაიანას გარდაცვალებიდან 20 წელი გავიდა.

სწორედ 31 აგვისტოს, 1997 წელს „უბრალო ხალხის პრინცესა“ ავტოკატასტროფას ემსხვერპლა.

ტაბლოიდები დღემდე აქტიურად განიხილავენ მის ცხოვრებას, სამოსს, საიდუმლოებებს.

ლედი დისა და პრინცი ჩარლზის ქორწილი 1981 წლის 29 ივლისს შედგა. მისი საქორწილო კაბა კი მოდის ისტორიაში შევიდა, როგორც ყველა დროის ყველაზე ლამაზი საქორწილო კაბა.

ქორწილი კი საუკუნის ქორწილად აღიარეს.

ცნობილი იყო, რომ პრინცესა დაიანა ტანისამოსს საიდუმლო მესიჯების გასაგზავნად იყენებდა. ამ საიოდუმლოებების შესახებ ცნობილი, მისი გარდაცვალების შემდეგ გახდა.

გავიგეთ, პრინცესას შურისძიების კაბის შესახებაც. 1994 წელს, ჟურნალ Vanity Fair-ის მიერ მოწყობილ წვეულებაზე, ლედი დი მისი სტატუსისთვის „თამამი“ , ეფექტური შავი კაბით გამოჩნდა. ცნობილი იყო, რომ აღნიშნულ წვეულებაზე პრინცესას Valentino-ს კაბა უნდა ჩაეცვა, თუმცა მოულოდნელად მან არჩევანი შეცვალა.

როგორც გაირკვა, ჭორი, იმის შესახებ რომ პრინცი ჩარლზი დაიანას კამილა პარკერ-ბოულზისთან ღალატობდა, იმ დღეს დადასტურდა. პრინცმა ჩარლზმა პრინცესა დაიანას კამილასთან რომანის შესახებ უამბო. პრინცესა დაიანას სტილისტის თქმით, ქმრის აღიარება ლედი დისთვის შემზარავი აღმოჩნდა, თუმცა გადაწყვიტა, იმ საღამოს შეუდარებელი ყოფილიყო და საკუთარი თავის სიძლიერე დაემტკიცებინა

ქორწილის დღეს, ლედი დი სტუმრების წინაშე 132 მარგალიტითა და 542 სხვადასხვა თვლით მორთული ფეხსაცმლით წარსდა.

ფეხსამცლის ლანჩზე კი მისი და ჩარლზის ინიციალები იყო ამოტვიფრული, შუაში გულით.

ამავდროულად, პრინცესამ ქორწილის დღეს საშუალო სიმაღლის ქუსლი შეარჩია, რადგან მეუღლეზე გაცილებით მაღალი არ გამოჩენილიყო.

ფეხსაცმლის დიზაინერის თქმით, საქორწილო ფეხსაცმელი 7 თვის განმავლობაში მზადდებოდა. პრინცესა ყველა დეტალს დიდი სიფრთხილით ეკიდებოდა და განსაკუთრებით მოსწონდა, ლანჩი, რომელზეც მისი და პრინცის ინიციალები იყო ამოკვეთილი.