რატომ არ ერთვებიან ივანიშვილის სამაშველო ვერტმფრენები ხანძრის ჩაქრობაში - მიმართა თუ არა მთავრობამ დასახმარებლად ყოფილ პრემიერს

პოზიცია - 21:01, 30 Aug, 2017

14813

საქართველოში 14-მდე შვეულფრენი არის რეგისტრირებული.

როგორც ცნობილი გახდა, ქართული მი-8-ები სამაშველო ოპერაციებს ავღანეთში ახორციელებენ. არსებულ ვერტმფრენებს ხანძრის ჩაქრობის სამაშველო ოპერაციებში მონაწილეობა შეუძლიათ, თუმცა, სახელმწიფო ამ შვეულმფრენების უმეტესი ნაწილის მფლობელ კომპანიას, რომელიც ყოფილ პრემიერს, ბიძინა ივანიშვილს, ეკუთვნის, დახმარების თხოვნით არ მიუმართავს.

სამოქალაქო ავიაციის სააგენტოს საიტიდან ირკვევა, რომ კომპანია ავიასერვისს 8 რუსული და ერთი ულტრათანამედროვე ევროკოპტერი ჰყავს, აქედან 5 მათგანი მი-8 ტიპის ვერტმფრენია, ისეთი, რომლითაც ბოლო 10 დღეა, საქართველოში ხანძარს ებრძვიან. კომპანია ავიასერვისი ბიძინა ივანიშვილის ქართუ ჯგუფს ეკუთვნის.

როგორც ჰაბ ჯორჯიას დამფუძნებელი, ვასო ურუშაძე, აცხადებს, რომ მი-8 ტიპის კიდევ ერთი ვერტმფრენი ქართულ კომპანია აეროექსფედიშენს ჰყავს, რომელიც, მისი მტკიცებით, ბიძინა ივანიშვილის ავისერვისის პარტნიორია.

ვასო ურუშაძისთვის ასევე გაუგებარია, რატომ არ ჩართო ხელისუფლებამ ოპერაციებში ცოტა ხნის წინ შეძენილი კიდევ ერთი ფრანგული ვერტმფრენი ევროკოპტერი, რომელსაც, მისი თქმით, ხანძრის ჩაქრობაში მონაწილების ფუნქციაც აქვს.