წინასწარმეტყველი ლელა კაკულია ჟურნალ „სარკესთან“ ინტერვიუში აცხადებს, რომ ბორჯომის ხეობაში ხანძარი სამმა ადამიანმა გააჩინა.

წინასწარმეტყველის თქმით, ბორჯომში ხანძრის გაჩენის შესახებ მან 8-10 წლის წინ იწინასწარმეტყველა და საკუთარ წიგნში დაწერა.

„მე დავინახე სამი ადამიანი. დივერსიას გავს ეს ყველაფერი. იმ სამ ადამიანზე, რომელსაც მე ვხედავ, აუცილებლად ილაპარაკებენ, ტელევიზით გახმაურდება ეს ამბავი... რუსეთმა რაც საქართველოს გაუკეთა და უკეთებს, რა გასაკვირია მათი გაკეთებული იყოს?! (ამ სამიდან) ერთი რუსია, ორი უფრო კავკასიელს გავს. ესაა ჩემი წინასწარმეტყველება - დივერსიულ აქტს ჩადის სამი ადამიანი, შეიძლება მეტიც არის ამით დაკავებული, მაგრამ ბორჯომში ცეცხლი ნამდვილად სამმა გააჩინა სპეციალურად”- აცხადებს კაკულია.

მისი თქმით, 10 წლის წინ წერდა, რომ რუსეთი დივერსიულ ქმედებაზე გადავიდოდა.

„8-10 წლის წინ მაქვს დანახული. ჩემს წიგნში მიწერია, რომ რუსეთი ასეთ დივერსიულ ქმედებებზე გადავა...“- ამბობს წინასწარმეტყველი.