ლიბანის არმიამ სირიის საზღვართან „ისლამური სახელმწიფოს“ წინააღმდეგ ოპერაცია შეწყვიტა. ოფიციალური ბეირუთი ტერორისტების მიერ 2014 წელს ტყვედ აყვანილი 9 სამხედრო მოსამსახურის გათავისუფლების თაობაზე ISIS-ის დაჯგუფებასთან მოლაპარაკებების დაწყებას აპირებს.

სირია-ლიბანის საზღვარზე „ისლამური სახელმწიფოს“ წინააღმდეგ საომარი მოქმედებების შეწყვეტაზე განაცხადეს სირიის სამთავრობო არმიამ და დაჯგუფება „ჰეზბოლამ“. ცეცხლის შეწყვეტის რეჟიმი 27 აგვისტოს დილიდან ამოქმედდა.

ლიბანის სამთავრობო არმიამ ტერორისტული დაჯგუფების წინააღმდეგ საომარი მოქმედებები 19 აგვისტოს დაიწყო.