„შედგა სატელეფონო საუბარი ჩემსა და კარასინს შორის" - ვინ სთხოვა დახმარება რუსეთს ხანძრის ლიკვიდაციის საქმეში

პოზიცია - 15:51, 26 Aug, 2017

5666

ბორჯომის ხეობაში სტიქიის დროს რუსეთისგან დახმარების მზაობის საკითხზე კომენტარი გააკეთა რუსეთთან ურთიერთობის საკითხებში საქართველოს პრემიერ-მინისტრის სპეციალურმა წარმომადგენლმა, ზურაბ აბაშიძემ.

მისივე განმარტებით, ბორჯომის ხეობაში ხანძრის სტიქიის მასშტაბები და შექმნილი უაღრესად კრიტიკული ვითარება მოითხოვდა ოპერატიულ და ეფექტურ ქმედებებს, ასევე, შესაბამისი ტექნიკის მოძიებას.

სტიქია ბორჯომის ხეობასი - დახმარების სურვილი რუსეთის ფედერაციისგან, სთხოვა თუ არა საქართველომ რუსეთს დახმარება? აღნიშნულ საკითხებზე კომენტარი გააკეთა საქართველოს პრემიერ-მინისტრის სსპეციალურმა წარმომადგენელმა რუსეთთან ურთიერთობის საკითხებში ზურაბ აბაშიძემ.

აბაშიძე აცხადებ, რომ ბორჯომში შექმნილი კრიტიკული ვითარება ოპერატიულ და ეფექტურ ქმედებებს მოითხოვდა. აუცილებელი იყო შესაბამისი ტექნიკის მოძიება, აქედან გამომდინარე ქართულმა მხარემ მიიღო გადაწყვეტილება ხანძრის ჩაქრობის სალიკვიდაციო ღონისძიებებში დახმარებისთვის მიემართა სხვა სახელმწიფოებისათვის, რომელთა რიგებში არიან მეზობელი ქვეყნებიც:

„აქედან გამომდინარე, ქართულმა მხარემ მიიღო გადაწყვეტილება, ხანძრის ჩაქრობის სალიკვიდაციო ღონისძიებებში დახმარებისთვის მიემართა სხვა სახელმწიფოებისათვის, რომელთა რიგებში არიან მეზობელი ქვეყნებიც. შედგა სატელეფონო საუბარი ჩემსა და ბატონ კარასინს შორის, რომლის დროსაც რუსეთის მხრიდან გამოიხატა ისეთი ტექნიკით დახმარების მზაობა, რომელიც გართულების შემთხვევაში შესაძლებელს გახდიდა უფრო ეფექტურ რეაგირებას. ამის შემდეგ, შვეიცარიის საელჩოს მეშვეობით რუსეთის მხარეს გაეგზავნა შესაბამისი ნოტა. მიმართვის დროს დაცული იყო ყველა საჭირო ფორმალობა და პროცედურა. თუმცა, მოგვიანებით, ამის აუცილებლობა დღის წესრიგში აღარ დადგა. საგანგებო ვითარების დროს, სამაშველო სამსახურების ურთიერთობა მიღებული პრაქტიკაა. კერძოდ, გასულ წლებში ყოფილა შემთხვევები, როდესაც საქართველოსა და რუსეთის სამაშველო სამსახურებს ჰქონდათ შესაბამისი კომუნიკაცია საქართველო-რუსეთის საზღვრის მიმდებარე რეგიონებში, სტიქიის შედეგების სალიკვიდაციოდ. ქართულმა მხარემ დახმარებისთვის, რა თქმა უნდა, გამოყენა საერთაშორისო ორგანიზაციები და მათი საშუალებითაც მოხდა სამაშველო დამხარების მოთხოვნა სტიქიის დროს“, - აცხადებს ზურაბ აბაშიძე.

შეგახსენებთ, რომ თავდაპირველად გავრცელდა ინფორმაცია იმის შსესახებ, რომ რუსეთმა საჰაერო ძალით საქართველოს დახმარების სურვილი გამოთქვა, რაზეც გიორგი კვირიკაშვილმა განაცხადა, რომ მეზობელი ქვეყნის დახმარება აღარ გახდა საჭირო.

გუშინ რუსეთის საგარეო საქმეთა სამინისტროში გაკეთდა განცხადება აღნიშნული საკითხის შესახებ, რუსეთის საგარეო საქმეთა სამინისტროს ოფიციალურმა წარმომადგენელმა მარია ზახაროვამ საქართველოში გაჩენილ ტყის ხანძრებთან რუსეთის შესაძლო კავშირზე გამოთქმული მოსაზრებებს "არაჯანსაღი ფანტაზია" უწოდა.

ამის საპასუხოდ, რეგიონალური განვითარების მინისტრმა ზურაბ ალავიძემ დღეს განაცხადა, რომ საქართველოსმ გაერო-ს მიმართა, რომლის საშუალებითაც მოხდა მეზობელ ქვეყნებთან კონტაქტი.