ტერორიზმის ახალი იარაღი - პრორუსი "ბოევიკები" აღმოსავლეთ უკრაინაში ხანძარს განზრახ აჩენენ (ფოტო)

მსოფლიო - 20:24, 24 Aug, 2017

6952

რუსეთის საოკუპაციო ძალები აღმოსავლეთ უკრაინაში ხანძრებს დივერსიული მიზნებით აჩენენ. ამის შესახებ უკრაინული მედია წერს. Украинская правда-ს ოპერატიულ-ტაქტიკური დაჯგუფება „დონეცკის“ პრეს-ოფიცერის ტარას გრენის სიტყვები მოჰყავს, რომელიც აცხადებს, რომ განხრახ ცეცხლის წაკიდება „ტერორისტების ახალ იარაღად“ იქცა.

„უკანასკნელი კვირის განმავლობაში შეინიშნება პრორუს დაქირავებულთა სამხედრო ტაქტიკის მკვეთრი ცვლილება. ისინი მივიდნენ დასკვნამდე, რომ პროვოკაციულ სროლებს და აკრძალული იარაღით დაბომბვას მათთვის სასურველი შედეგი არ მოაქვს და მტერმა უფრო ცინიკური ქმედებები დაიწყო და თავის საბრძოლო ქმედებებში ხანძრის გაჩენა შეიტანა.“- აცხადებს გრენი. მისი თქმით ასეთ ტაქტიკას ფაშისტები იყენებდნენ მეორე მსოფლიო ომის დროს. როგორც გრენი აცხადებს, საოკუოპაციო ძალები უკრიანის სამთავრობო ძალების პოზიციებთან მდებარე მინდვრებში მანათობელი ჭურვებს ისვრიან, რის შედეგადაც გამხმარ ბალახს ცეცხლი უჩნდება. მას შემდეგ რაც უკრაინის შეიარაღებული ძალები ხანძრის ჩაქრობას ცდილობენ, მათზე „მუშაობას’ უკვე სნაიპერები იწყებენ. გრენის თქმით მსგავსი ბარბაროსული ქმედებები აქვთ მშვიდობიანი მოსახლეობის მიმართაც. მისი განცხადებით მხოლოდ 22 აგვისტოს დილას სოფელ ჟოვანკაში , ოუპანტების მიერ განხორციელებული სროლების შედეგად 19 სახლი დაიწვა.