ამერიკელი სენატორი, ჯონ მაკკეინი აშშ-ის პრეზიდენტს უკრაინისთვის ლეტალური იარაღის გადაცემისკენ მოუწოდებს.

ამის შესახებ განცხადება, რესპუბლიკერმა პოლიტიკოსმა საკუთარ ვებგვერდზე გამოაქვეყნა.

„უკრაინისთვის თავდაცვითი ლეტალური იარაღის გადაცემა არ ეწინააღმდეგება დონბასში კონფლიქტის მშვიდობიანი გზით გადაჭრას, პირიქით, ეს არის გადამწყვეტი ფაქტორი ამის მისაღწევად“ - აცხადებს სენატორი.

მაკკეინის თქმით, შეიარაღება აუცილებელია, რათა კიევმა შეძლოს რუსეთის შემდგომი აგრესიისგან თავდაცვა. სენატორი თვლის, რომ უკრაინისთვის ლეტალური იარაღის მიწოდება, საერთო ჯამში, დამატებით ზეწოლას მოახდენს რუსეთზე.

ჯონ მაკკეინის აღნიშნული განცხადება დაემთხვა კიევში აშშ-ის თავდაცვის მდივანის ჯეიმს მეტისის სტუმრობას.

უკრიანა დღეს დამოუკიდებლობის დღეს აღნიშნავს.