ისრაელის პრემიერ-მინისტრი ბენიამინ ნეთანიაჰუ, დღეს, სოჭში, რუსეთის პრეზიდენტს ვლადიმირ პუტინს შეხვდა.

როგორც ბენიამინ ნეთანიაჰუმ განაცხდა, ირანის სამხედრო პოლიტიკა, მთელ რეგიონს უქმნის საფრთხეს.

„ბატონო პრეზიდენტო, ჩვენი ერთობლივი ძალისხმევით დავამარცხებთ „ისლამურ სახელმწიფოს“ და ეს ძალიან მნიშვნელოვანია. მაგრამ ცუდი ის არის, რომ როდესაც ISIS განადგურდება, ირანი გაძლიერდება.

არ შეგვიძლია დავივიწყოთ, რომ ირანი ყოველ წამს გვემუქრება ისრაელის განადგურებით. ის იარაღს აწვდის ტერორისტულ ორგანიზაციებს , აფინანსებს მათ და ტერორს უწობს ხელს“ - განაცხადა ნეთანიაჰუმ.

მისი თქმით, ირანი უკვე კარგად აკონტროლებს ერაყს, იემენს და ფრაქტიკულად ლიბანსაც.

შეხვედრაზე, პუტინმა და ნეთანიაჰუმ მრავალ საკითხზე იმსჯელეს, მათ შორის განიხილეს ორმხრივი ურთიერთობების საკითხევს, ახლო აღმოსავლეთში არსებულ სიტუაციას, ისრაელი-პალესტინის კონფლიქტის დარეგულირების, სირიისა და ტერორიზმთან ბრძოლის საკითხებსაც.