როგორც აშშ-ის სახელმწიფო მდივანმა რექს ტილერსონმა ბრიფინგზე განაცხადა, „რუსეთი ნამდვილად აწვდის იარაღს „თალიბანის“ წევრებს და ამით არღვევს საერთაშორისო შეთანხმებას.”
მისივე თქმით, თუკი ვინმე „თალიბანისთვის“ შეიარაღების მიწოდებას გადაწყვეტს, ეს აუცილებლად ავღანეთის ხელისუფლებასთან უნდა იყოს შეთანხმებული.
მოსკოვის მხრიდან ტერორისტების შეიარაღების შესახებ CNN-მა გასულ თვესაც დაწერა.
გამოცემა წერდა, რომ დაჯგუფებამ რუსეთის მთავრობისგან გაუმჯობესებული ტიპის იარაღი მიიღო და ექსკლუზიურ ვიდეომასალას აქვეყნებს, რომელშიც ჩანს სნაიპერები, კალაშნიკოვის ტიპის იარაღები და ისეთი შეირაღება, რომელიც რუსული წარმოებისაა.
ამერიკელმა გენერლებმა შეშფოთება ჯერ კიდევ აპრილში გამოთქვეს იმის გამო, რომ რუსეთი თალიბანს იარაღით ამარაგებდა , თუმცა ამის დამადასტურებელი მასალის წარდგენა ვერ მოახერხეს.
რუსული მხარე, თალიბანის იარაღით მომარაგებას კატეგორიულად უარყოფს.
მასალის გამოყენების პირობები






