ბარსელონას ტერაქტში ეჭვმიტანილმა აღიარა, რომ ტერორისტები საგრადა ფამილიას აფეთქებას გეგმავდნენ

მსოფლიო - 19:09, 22 Aug, 2017

5285

4 ადამიანი, რომლებსაც ბარსელონის ტერაქტის მოწყობაში ედებათ ბრალი, დღეს მადრიდის უზენაესი სასამართლოს წინაშე წარდგა.

როგორც ესპანური გამოცემა El Mundo იტყობინება, ერთ-ერთმა ეჭვმიტანილმა, 21 წლის მუჰამედ შემლალმა სასამართლოში აღიარა, რომ ტერორისტული დაჯგუფება ბარსელონაში საგრადა ფამილიას ტაძარში აფეთქების განხორციელებას გეგმავდა.

ბოლო მონაცემებით, ბარსელონაში, მომხდარი ტერაქტის შედეგად, დაიღუპა 15 ადამიანი და დაშავდა 100-ზე მეტი. ინციდენტი რამბლას ბულვარზე მოხდა , რომელიც ტურისტების თავშეყრის ადგილს წარმოადგენს ფურგონი ხალხში შეიჭრა, კატალონიის ხელისუფლების წარმომადგენლის განცხადებით, მსხვერპლის რიცხვი შეიძლება გაიზარდოს, რადგან 15 დაშავებულის მდგომარეობა მძიმეა.

ტერაქტზე პასუხისმგებლობა ტერორისტულმა დაჯგუფება „ისლამურმა სახელმწიფომ“ აიღო.

სამართალდამცავებმა მოკლეს ესპანეთის მოქალაქე 17 წლის მუსა უკაბირი, რომლმაც ძმას დოკუმენტები მოპარა და ის ფურგონი იქირავა, რომელმაც ხალხი იმსხვერპლა. ასევე სპეცოპერაციისას მოკლეს ტერაქტის შემსრულებელი, 22 წლის იუნეს აბუიაკუბი.

17 აგვისტოსვე, ბარსელონასთან ახლოს, ქალაქ კამბრილასში, სამართალდამცველებმა კიდევ ერთი თავდასხმა აღკვეთეს. პოლიციელებმა 5 ტერორისტის ლიკვიდაცია მოახერხეს.