იტალიაში, კუნძულ ისკიაზე მომხდარი მიწისძვრის შემდეგ ნანგრევებში მოყოლილებს ამ დრომდე ეძებენ.

მაშველებმა სახლის ნანგრევებიდან კიდევ ერთი ბავშვი, 11 წლის ჩირო ამოიყვანეს.

ჩირო და მისი ორი ძმა მიწისძვრის დროს საკუთარ სახლში იმყოფებოდნენ. ბიძგებმა სახლი დაანგრია და ბიჭები ნანგრევებში მოიყოლა.

მაშველებმა ჯერ 8 თვის პასკალი ამოიყვანეს ნანგრევებიდან, რვა საათის შემდეგ მატიასი , ბოლოს კი ჩირო, რომლის გადარჩენას მაშველები 2 საათი ცდილობდნენ.

ბავშვების მშობლებიც მაშველებმა გადაარჩინეს.

შეგახსენებთმ იტალიაში, კუნძულ ისკიაზე მიწისძვრას 2 ადამიანი ემსხვერპლა.

კუნძულ ისკიაზე 4.3 მაგნიტუდის სიმძლავრის მიწისძვრა გუშინ ღამით მოხდა. მიწისძვრის ეპიცენტრი 10 კილომეტრის სიღრმეში მდებარეობდა.