ფესტივალი "არტ-გენი 2013" 4-21 ივლისს გაიმართება

საზოგადოება - 11:34, 26 Jun, 2013

843

"არტ-გენი" ერთ-ერთი ყველაზე ცნობილი სახალხო ფესტივალია, რომელიც ყოველწლიურად ირჩევს ძირითად თემას. წელს, ეროვნული კულტურული მემკვიდრეობის პოპულარიზაციასთან ერთად, ფესტივალი "არტ-გენი 2013" მიეძღვნება ქართულ პოლიფონიას და მრავალხმიანობის ტრადიციას.

"არტ-გენი 2013"-ის რეგიონალური ფესტივალის გახსნა გაიმართება 4 ივლისს, თელავში, ნადიკვრის პარკში, სადაც თავს მოიყრიან და თავიანთ შემოქმედებას წარმოადგენენ ფოლკლორისა და ხალხური რეწვის ოსტატები კახეთიდან და აღმოსავლეთ საქართველოს სხვა რეგიონებიდან. რეგიონალური ტურნე გაგრძელდება დასავლეთ საქართველოში, მარტვილის რაიონის სოფელ სალხინოში, დადიანების მარნის ტერიტორიაზე, სადაც თავს მოიყრიან რაიონის ხალხური და თანამედროვე შემოქმედებითი კოლექტივები.

"არტ-გენი 2013"-ის დასკვნითი ნაწილი, 14-21 ივლისს, ტრადიციულად, თბილისის ეთნოგრაფიული მუზეუმის ტერიტორიაზე გაიმართება.

ფესტივალის გენერალური სპონსორია ბანკი კონსტანტა; სპონსორი - აფთიაქი "ფარმადეპო". ფესტივალის მხარდამჭერები: კულტურის და ძეგლთა დაცვისა სამინისტრო, ქალაქ თბილისის მერია. ტელეკომპანია "რუსთავი 2". ფესტივალის პარტნიორები: გ. ჩიატაიას სახელობის ეთნოგრაფიული მუზეუმი ღია ცის ქვეშ. რადიო "უცნობი", რადიო "არ დაიდარდო", საკაბელო ქსელი "სილკნეტი".