კომ-ნაც-კავშირს რაც დაემართა, რა თქმა უნდა მისივე ბრალია. უბედურება ისაა, რომ, ამ შემთხვევაში, თავში ავარდნილი ნაცების ფიასკოს, სახელმწიფოს დეგრადაცია მოყვება.
და მიიყვანეს „ქართულ ლოგიკურ“ კითხვამდე - ივანიშვილი ჯობია თუ ცოცხის გარჭობა? აპრიორი ცხადია პასუხი.
თავის ტკივილი არ შეიძლება გილიოტინით მოირჩინო!
პუტინის ქართული ოცნება ახდა და ეს სპონტანურად არ მომხდარა. ისტორია მეორდება: სააკაშვილის ყოფილი მომხრეების,ხელისუფლებიდან ჩამოშორების გამო დაბოღმილთა კოალიცია რუსეთის კარზე ითხოვს ძალაუფლების მოპოვებაში დახმარებას. ბრბოს ახალი კერპი ჰყავს - ბიძინა! მესია,რომლის უსაყვარლესი სიტყვებია - მე, ჩემი... ქართველები არ არიან მზად ევროპაში შესასვლელად და ამის მისაღწევად იცით რა უნდა ვქნათ? - რა თქმა უნდა, ჯერ რუსეთის ბაზარზე უნდა დავბრუნდეთ... დავბრუნდეთ, რათა გავყიდოთ სული. რას გადაგვაყოლეთ ამ გარყვნილ ევროპას, აგერ ღიაა დსთ-ს კარი. ორთავა არწივიც მოლბა ხელად. „ხალხის მტრების“ სია გამოაქვეყნეთ! ტანჯულო მუშავ შეავსე სია, შენ მხოლოდ თითი გაიშვირე...
პოლიტიზირებულო სასულიერო პირებო,საინტერესოა, პასუხისმგებლობას იღებთ სამომავლო შედეგებზე?
მაოგნებს სიბეცე, სიყრუვე, სიბრმავე, გაბოროტება და სისასტიკე ქართველთა... ნაწილისა...
P.S. ამომრჩეველი აქტივისტს: - მე პენსიის მომატება მინდოდა, რუსეთში დაბრუნება კი არა...