დიდი ბრიტანეთის დედოფალი, 91 წლის ელისაბედ II პრინცი ჩარლზისთვის ტახტის დათმობას არ აპირებს . ამის შესახებ Sunday Times იტყობინება.

როგორც გამოცემა სამეფო ოჯახთან დაახლოებულ პირზე დაყრდნობით წერს, ჭორები იმის შესახებ, რომ დედოფალი სიცოცხლეშივე აპირევს საკუთარ შვილს მმართველობის სადავეები გადასცეს, სიმართლეს არ შეესაბამება.

ელისაბედ II 65 წელია ბრიტანეტის სამეფო ტახტს იკავებს , თუმცა როგორც წყაროები ირწმუნებიან, დედოფალი ბოლომდე ხალხის სამსახურში ყოფნას აპირებს.

Sunday Times-თან საუბრისას, ბუკინგემის სასახლიდან ოფიციალურმა პირმა დედოფლის 21-ე დაბადების დღეზე წარმოთქმული სიტყვა გაიხსენა:

„ვაცხადებ, რომ მთელ ჩემს ცხოვრებას, ხანგრძლივი იქნება ის თუ ხანმოკლე, თქვენს მსახურებას მივუძღვნი“ - განაცხადა მაშინ დედოფალმა.

1937 წელს რეგენტობის შესახებ მიღებული აქტის თანახმად, ჯანრთელობის გაუარესების შემთხვევაში, მონარქს შეუძლია კანონიერ მემკვიდრეს მართვის სადავეები გადასცეს და რეგენტად დანიშნოს.

უკანასკნელად რეგენტის ინსტიტუტი 1811-1820 წლებში გამოიყენეს, როდესაც ჯორჯ მესამე ფსიქიკური პრობლემების გამო ქვეყნის მართვას ვერ შეძლებდა და ძალაუფლება მის უფროს ვაჟს გადასცა, რომელიც პრინც-რეგენტად დაინშნა, მოგვიანებით კი მეფე გახდა.

ცოტა ხნის წინ, ბრიტანული ტაბლოიდები ირწმუნებოდნენ, რომ ელისაბედ II-მ ქვეყნის მომავალ მეფედ კემბრიჯის ჰერცოგი, პრინcი უილიამი , დედოფლად კი მისი მეუღლე, კემბრიჯის ჰერცოგინია ქეითი დაასახელა.