სირიის პრეზიდენტმა ბაშარ ასადმა განაცხადა, რომ იგი თურქეთის პრეზიდენტს რეჯეპ ტაიპ ერდოღანს აღარ ენდობა.

ასადმა ეს განცხადება ქვეყნის საგარეო საქმეთა სამინისტროს თანამშრომლებთან შეხვედრაზე გააკეთა. სირიის პრეზიდენტი აცხადებს, რომ ერდოღანი ტერორისტების მხარდაჭერის გამო პოლიტიკურად გაღატაკდა და სირია თურქულ მხარეს პარტნიორად არ მიიჩნევს.

მან ხაზი გაუსვა, რომ იმ ქვეყნებთან, რომლებიც მხოლოდ სიტყვებით გამოხატავენ სირიის პრობლემის დარეგულირებაზე მხარდაჭერას, თანამშრომლობას არ აპირებს არც უსაფრთხოების და არც დიპლომატიური კუთხით.

„ჩვენ არ მივცემთ უფლებას ჩვენს მტრებს პოლიტიკით მიაღწიონ იმას, რასაც ტერორიზმით ვერ გახდნენ,“- განაცხადა ასადმა.