ბარსელონაში მომხდარი ტერაქტის შემდეგ მთელი ღამის განმავლობაში ანტიტერორისტული ოპერაცია მიმდინარეობდა. ამის შესახებ ადგილობრივ მედიაზე დაყრდნობით “ბი ბი სი” იუწყება.

როგორც ცნობილი გახდა, ბარსელონასთან ახლოს, ქალაქ კამბრილასში სამართალდამცველებმა კიდევ ერთი თავდასხმა აღკვეთეს. მათ 4 ტერორისტის ლიკვიდაცია განახორციელეს.

ადგილობრივი მედიის ინფორმაციით, დაჭრილია 1 ეჭვმიტანილი. მათ შაჰიდის ქამრები ეკეთათ.

ბარსელონაში, წუხელ მომხდარი ტერაქტის შედეგად, უკანასკნელი ცნობებით, დაიღუპა 13 ადამიანი და დაშავდა 100-ზე მეტი. კატალონიის ხელისუფლების წარმომადგენლის განცხადებით, მსხვერპლის რიცხვი შეიძლება გაიზარდოს, რადგან 15 დაშავებულის მდგომარეოპბა მძიმეა.

უკვე ცნობილია, რომ თავდასხმაზე პასუხისმგებლობა"ისლამურმა სახელმწიფომ" აიღო.