ავსტრალიის რადიკალური მემარჯვენე პარტია "ერთი ნაციის" ლიდერი პოლინა ჰენსონი, სენატში ბურკით გამოცხადდა და ამით თავისი პოზიცია გამოხატა, ბურკის ტარების დაკავშირებით.

ჰენსონი, სამსახურებში ბურკის აკრძალვას ემხრობა და აცხადებს, რომ ეს სოციალიზაციას უშლის ხელს, თანაც ავსტრალიელების უმრავლესობას, ბურკის ნახვა არ სურს.

სენატში მის გამოჩენას დაბნეულობა მოჰყვა, რადგან დეპუტატები დიდხანს ვერ მიხვდნენ, ვინ იმალებოდა მუსლიმური სამოსის უკან.

პარლამენტის თავმჯდომარემ ჰენსონის საქციელი დაგმო და შეახსენა, რომ ამით ადამიანების რელიგიურ გრძნობებს შეურაცხყოფს.

"ამ სამოსის უარყოფითი კონტექსტით ჩაცმით, სულ მცირე 500 ათასს მუსლიმ ავსტრალიელს მიაყენეთ შეურაცხყოფა. არა სენატორო, არ ავკრძალავთ ბურკას" - განაცხადა ჯორჯ ბრანდისმა.

მარტში, ევროპის სასამართლომ დამსაქმებლებს უფლება მისცა თავად განესაზღვრა სამსახურში რელიგიური ტანსაცმლის ტარება.

მანამ, 2011 წელს , საფრანგეთი პირველი ქვეყანა გახდა, რომელმაც სამსახურებში ჰიჯაბების ტარება აკრძალა, შემდეგ იყო ბელგია. მიმდინარე წლის დასაწყისში ცნობილი გახდა, რო გერმანიის ბუნდესტაგმა კანონპროექტი მიიღო, რომლის თანახმადაც სახელწმიფო უწყებებში ნიქაბის ან ბურკას ტარება აიკრძალება.