ჰაკერებმა HBO-ს ტვიტერის ექაუნთი გატეხეს

მსოფლიო - 13:10, 17 Aug, 2017

1408

ჰაკერებმა HBO-ს ტვიტერის ექაუნთი გაუტეხეს.

ტვიტერზე კი პოსტი გამოაქვეყნეს, რომელშიც საკუთარი OurMine-ად მოიხსენიეს.

„გამარჯობა, OurMine აქ არის და ჩვენ უბრალოდ ვამოწმებთ თქვენი უსაფრთხოების დონეს. HBO-ს გუნდს ვთხოვთ დაგვიკავშირდეს, რათა ვასწავლოთ, როგორ უნდა დაიცვან თავი” – დაპოსტეს ჰაკერებმა.

ჰაკერების აღნიშნული ჯგუფი ცნობილი ადამიანებისა და კომპანიების ტვიტერების გატეხვით ცნობილია.

OurMine-მა ტვიტერი გაუტეხა Netflix-ს, ვიკიპედიის დამფუძნებელ ჯიმი ვეილსს, ტვიტერის თანადამფუძნებელ ჯეკ დორსის და ფეისბუქის დამფუძნებელ მარკ ცუკერბერგს.

შეგახსენებთ, HBO ჰაკერული თავდასხმის სამიზნე Game of Thrones-ის გამო რამდენჯერმე გახდა.

ჰაკერებმა 1 აგვისტოს , მე-7 სეზონის სერიების სცენარი , ასევე მსახიობების პირადი ინფორმაციები მოიპარეს. მაშინ აცხადებნდნენ, რომ მათ ხელთ 1.5 ტერაბაიტის მოცულობის ინფორმაცია იყო.

მე-7 სეზონის მე6-სერია “Death is the enemy" ეთერში 20 აგვისტოს უნდა გავიდეს.

გუშინ ცნობილი გახდა, რომ ინდოეთის პოლიციამ 4 ადამიანი დააკავა , რომელთაც ბრალად ედებათ საკულტო სატელივიზო შოუს „სამეფო კარის თამაშების“ ეპიზოდის გავრცელება, მაშინ როცა ის ოფიციალურად ეთერში გასული არ იყო.

საქმე ეხება, Got-ის მე-7 სეზონის მეოთხე სერიის, "The Spoils of War"-ს, რომლის სატელევიზიო პრემიერა 4 აგვისტოს უნდა შემდგარიყო, მაგრამ 3 აგვისტოს ის ინტერნეტში გავრცელდა.

ტელევიზიის ისტორიაში Game of Thrones-ის სერიებს ყველაზე ხშირად იპარავენ.