ბრიტანელმა მსახიობმა, 48 წლის დენიელ კრეიგმა დაადასტურა, ჯეიმს ბონდის როლს მეხუთედ შეასრულებს.

ინფორმაცია მსახიომა სატელევიზიო შოუ "The Late Show"-ში დაადასტურა. წამყვანის, სტეფან კოლბერტის კითხვაზე, დაბრუნდება თუ არა როგორც ჯეიმს ბონდი, მსახიობმა უპასუხა - დიახ, რასაც დამსწრე აუდიტორიის აპლოდისმენტები მოჰყვა.

შეგახსენებთ, რამდენიმე თვის წინ გავრცელდა ინფორმაცია, რომ მიუხედავად მრავალჯერადი უარისა, თითქმის ორწლიანი მოლაპარაკებების შემდეგ, „ჯეიმს ბონდის“ პროდიუსერებმა შეძლეს დაერწმუნებინათ დენიელ კრეიგი, რომ აგენტი 007-ის როლი მეხუთედაც შეესრულებინა.

საიუბილეო 25-ე ფილმის გადაღებები 2018 წელს დაიწყება.

გავრცელებული სნობით, ფილმისთვის საუნდტრეკს კვლავ ადელი დაწერს. 2012 წელს, „ბონდიანასთვის“ დაწერილი საუნდტრეკისთვის Skyfall მომღერალმა, ოსკარი, ოქლოს გლობუსი და გრემი აიღო.

რაც შეეხება დენიელ კრეიგს, ის ჯეიმს ბონდის როლს 2006 წლიდან ასრულებს. 11 წლის განმავლობაში მან 4 ფილმში მიიღო მონაწილეობა. ბოლო ფილმი, „007: სპექტრი“ 2015 წელს გამოვიდა. რომლის შემდეგაც განაცხადა, რომ ფილმის გაგრძელებაში აღარასოდეს დაბრუნდებოდა.

აღსანიშნავია, ორი წლის განმავლობაში, ბრიტანელი აგენტის როლზე მედიაში რამდენიმე კანდიდატს განიხილავდნენ. ერთერთ ყველაზე რეალურ კანდიდატად ტომ ჰიდლსტონს მიიჩნევდნენ.