სემ ტარლიმ GOT-ის მთავარი ინტრიგა უყურადღებოდ დატოვა, გილიმ კი ჯონ სნოუს წარმომავლობის საიდუმლოს ფარდა ახადა

ეს საინტერესოა - 16:40, 15 Aug, 2017

2233

ფრთხილად, თუკი ჯერ არ გინახავთ Game of Thrones-ის მე-7 სეზონის მე-5 ეპიზოდი, თავს ნუ დაისპოილერებთ.
Game of Thrones-ის მე-7 სეზონის მე-5 სერია უკვე აღიარეს ფილერად, ანუ ისეთ ეპიზოდად, რომელიც შემდეგი შთამბეჭდავი სერიებისთვის მომზადებას წარმოადგენს. ვინც სერია უკვე ნახეთ, აღმოაჩენდით, რომ წინ ნამდვილად ეპიკური სერიები გველოდება.

მეხუთე ეპიზოდში, ჯონისა და დრაკონის შეხვედრით, დავრწმუნდით, რომ ის ნამდვილად ტარგარიანია, ასევე გაჩნდა მოსაზრება ტირიონის ტარგარიანობისა და ბრან სტარკის ღამის მეფობის შესახებ.

ამ სტატიაში კი ერთ მნიშვნელოვან მომენტზე გავამახვილებთ ყურადღებას, რომელმაც დიდი საიდუმლოს ახადა ფარდა, თუმცა სემუელ ტარლიმ ყურადღება არ მიაქცია.

სემ ტარლი მაისტერების საუბრიდან იგებს, რომ ბრან სტარკმა ჩრდილოეთიდან ყორანი აფრინა, რომელშიც მოახლოებულ მკვდრების არმიაზე წერს. მეისტერებს სემი ეტყვის, რომ ცნობა სავარაუდოდ სიმართლეა, რადგან თეთრი მოსიარულეები თავადაც უნახავს, თუმცა მათ ეს არ სჯერათ.

გილი, რომელსაც წერა-კითხვა ახალი ნასწავლია აქვს, უმაღლეს სეპტონ მეინარდის ჩანაწერებში აღმოაჩენს, რომ რაეგარ ტარგარიენი ლიანა სტარკთან კანონიერად იყო დაქორწინებული, რაც ფარდას ხდის საიდუმლოს და ადასტურებს, რომ ჯონი ტახტის კანონიერი მემკვირდეა.

ხელნაწერიდან ირკვევა, რომ სეპტონმა რეიგარ ტარგარიენის პირველი ქორწინება გააუქმა და ის სხვა ქალზე საიდუმლოდ დააქორწინა დორნში.

თუმცა, მეისტერების დამოკიდებულებით გაბრაზებული სემი გილის ნათქვამს ყრუადღებას არ აქცევს , მან ხომ არ იცის, რომ ჯონი რაეგარის შვილია და ციტადელის დატოვებას განიზრახავს.

სემი აკრძალული საცავიდან რამდენიმე წიგნს იპარავს და გილისთან და პატარა სემთან ერთად ქალაქს ტოვებს, ისე რომ არ იცის, ჯონი ტარგარიანია, თანაც ნამდვილი ტარგარიანი, ტახტის ღირსეული კანდიდატი.