ავღანეთში მოქმედმა ტერორისტულმა დაჯგუფება „თალიბანმა“ აშშ-ის პრეზიდენტს დონალდ ტრამპმს ღია წერილი გაუგზავნა, რომლითაც ავღანეთიდან ჯარის გაყვანისკენ მოუწოდებენ. ამის შესახებ ინფორმაციას სააგენტო Khaama Press ავრცელებს.

თალიბების წერილი მას შემდეგ გავრცელდა , რაც ტრამპის ადმინისტარციამ განაცხადა, რომ უახლოეს მომავალში ავღანეთში აშშ-ის ახალ პოლიტიკას წარადგენს.

დაჯგუფების წერილში აღნიშნულია, რომ ავღანეთში მიმდინარე ძალადობა პირდაპირ კავშირშია ქვეყანაში უცხო ძალების ყოფნასთან და მათ საოკუპაციო ძალებს უწოდებს, რომელიც ომს საკუთარი ინტერესებისთვის იყენებენ.

წერილში, დაჯგუფება კოალიციას ავღანეთის განადგურებასა და დაუძლურებაში ადანაშაულებს, რამაც ქვეყანის ეკონომიკაზე, უსაფრთხოებასა და მმართველობის სისტემაზე ძალიან ცუდად იმოქმედა.