საქართველოს მესამე პრეზიდენტისა და ოდესის ოლქის ყოფილი გუბერნატორის, მიხეილ სააკაშვილის განცხადებით, უკრაინაში დაბრუნებას ერთერთი ევროპული ქვეყნის საზღვრის გადაკვეთით გეგმავს. ამის შესახებ სააკაშილმა "ტელეარხ 24“-თან განაცხადა.

„მე დავბრუნდები უკრაინაში. ვგეგმავ, უკრაინის საზღვარი, ერთერთი ევროპული ქვეყნიდან გადავკვეთო. სხვა საცხოვრებელი ადგილი არც ევროპაში ან მის ფარგლებს გარეთ, არ გამაჩნია. ყველა ჩემი ნივთიც უკრაინაშია. ჩემი მეგობრების უმრავლესობა და პარტია, რომელსაც მე ვხელმძღვანელობ, უკრაინაშია. ზეგ დავასახელებ უკრაინაში დაბრუნების კონკრეტულ თარიღს“ - განაცხადა სააკაშვილმა.

სააკაშვილმა განაცხადა ,რომ მან საკუთარ თვზე აიღო უკრაინელების უფლებების დაცვა.

„მე საკუთარ თავზე ავიღე უკრაინელების უფლებების დაცვაზე პასუხისმგებლობა. პოროშენკოსა და ოლიგარქებს ეს ნამდვილად არ სურთ. მაგრამ მე მათი არ მეშინია. ახლა, ევროპულ მედიასთან ხშირად მაქვს ინტერივიუები, არსებულ სიტუაციაზე ვსაუბრობ. ასევე მაქვს შეხვედრები ევროპელ პოლიტიკოსებთან, რომლებსაც მოვუწოდებ უკრაინელი ხალხის მხარდაჭერისკენ“ - განაცხადა მიხეილ სააკაშილმა.