ბარაკ ობამა პოლიტიკაში ბრუნდება

მსოფლიო - 12:44, 12 Aug, 2017

2500

აშშ-ის 44-ე პრეზიდენტი ბარაკ ობამა პოლიტიკაში ბრუნდება.

როგორც გამოცემა Washington Examiner-ი წერს, ობამა დემოკრატული პარტიის პოზიციების აღდგენასა და გამყარებაზე იმუშავებს, რომელიც ხელისუფლებაში დონალდ ტრამპის მოსვლის შემდეგ მნიშვნელოვნად შესუსტდა.

გამოცემა აღნიშნავს, რომ ობამას დაბრუნება რისკის შემცველია მისი რეპუტაციისთვის. რადგან რადგან თუკი ყოფილი პრეზიდენტი აქტიურად ჩაერთვება პოლიტიკურ პროცესებში და ყურადღების ცენტრში მოექცევა, ეს საშუალებას მისცემს დონალდ ტრამპმს დემოკრატების კრიტიკისას იერიშის სამიზნედ სწორედ ის აქციოს.

როგორც გამოცემა აღნიშნავს, ობამა საკუთარ რეპუტაციას პარტიისთვის დაფინანსებისა და ლობისტების მოპოვებაში გამოიყენებს. ასევე , ობამას პოპულარულობა დემოკრატიული პარტიის კანდიდატებს წაადგებათ ადგილობროვო არჩევნებისას.

მაგალითად, უკვე ცნობილია, რომ ობამა ვირჯინიის გუნერნატორობის კანდიდატს, რალფ ნორმანს ეხმარებოდა.

გამოკითხვების თანახმად კი ამერიკელებში ობამა სიმპატიებით სარგებლობს, შესაბამისად მისი ფაქტორი, დემოკრატიულ პარტიას ნამდვილად დაეხმარება.

ობამა რომ პოლიტიკაში დასაბრუნებლად მზად იყო, ჯერ კიდევ მარტში წერდა გამოცემა „პოლიტიკო.“ მაშინ, გამოცემა ირწმუნებოდა, რომ ამის შესახებ აშშ-ის ყოფილნა გენერალურმა პროკურორმა და ობამას მეგობარმა, ერიკ ჰოლდერმა განაცხადა.

ჰოლდერის თქმით, მას საუბარი ჰქონდა ბარაკ ობამასთან, მათ შორის, თანხების მოძიებასა და კანონმდებლებთან ურთიერთობაზე, რამაც შესაძლოა დემოკრატების პოზიციები გაამყაროს სახელმწიფო დაწესებულებებსა და წარმომადგენელთა პალატაში.