აშშ-ის პრეზიდენტი, დონალდ ტრამი ვენესუელაში სამხედრო ჩარევას არ გამორიცხავს.

"ვენესუელასთან დაკავშირებით ბევრი არჩევანი გვაქვს, მათ შორის არის სამხედრო ინტერვენცია, თუ ეს საჭირო გახდა. საჯარისო შენაერთები მთელს მსოფლიოში გვყავს, ისეთ ადგილებშიც კი, რომლებიც შტატებისგან შორს არის. ვენესუელა არც ისე შორსაა. იქ ხალხი იტანჯება, ნაწილი იხოცება და ეს ჩვენს მეზობლად ხდება“ - განაცხადა ტრამპმა.

ტრამპის განცხადებამდე კი ცნობილი გახდა, რომ ვენესუელის პრეზიდენტმა, ნიკოლას მადურომ საგარეო უწყებას აშშ-ის პრეზიდენტთან სატელეფონო საუბრის ორგანიზება დაავალა.

შეგახსენებთ, აპრილის დასაწყისიდან ვენესუელაში მასობრივი საპროტესტო აქციები მიმდინარეობს. ამის მიზეზი უზენაესი სასამართლოს გადაწყვეტილება გახდა, რომელმაც ოპოზიციურ ნაციონალურ ასამბლეას უფლებები შეუზღუდა. ეს გადაწყვეტილება მოგვიანებით გაუქმდა. ქვეყნის პრეზიდენტს ნიკოლას მადუროს ოპოზიციის მიერ კონტროლირებადი პარლამენტის დაშლა სურს. მისი ინიციატივაა შეცვალოს სახელმწიფო წყობა და შექმნას 500-კაციანი საკონსტიტუციო ასამბლეა. მადუროს ინიციატივით, აღმასრულებელი ხელისუფლება ეროვნულ დამფუძნებელ საბჭოს დაექვემდებარება. ოპოზიციური ძალები ეროვნული დამფუძნებელი საბჭოს ჩამოყალიბებისთვის ქვეყანაში გამართულ არჩევნებს არ ცნობენ.

13 ივნისს, ვენესუელაში დემონტრანტებმა უმაღლესი სასამართლოს შენობაც დაწვეს.

საპროტესტო აქციებს სულ 100-მდე ადამიანი შეეწირა.