თურქეთის ხელისუფლება გაღიზიანებულია იმ ფაქტით, რომ მისი არაერთი მოთხოვნის მიუხედავად, გერმანია არ გადმოსცემს მას იმ პირებს, რომლებიც თურქეთში ტერორიზმსა და სახელმწიფო გადატრიალების მცდელობის გამო იძებნება.

თურქეთის პრეზიდენტმა, რეჯეპ ტაიპ ერდოღანმა, ზემოთ აღნიშნულის გამო ბერლინი ტერორისტების მფარველობაში დაადანაშაულა. ერდოღანის თქმით, გერმანიის ხელისუფლება საერთოდ არ რეაგირებს ანკარიდან გაგზავნილ 4 500-ზე მეტ დოსიეზე. მიუხედავად იმისა, რომ დოკუმენტებში იმ ადამიანების შესახებ არის საუბარი, რომლებიც თურქეთის მიერ ტერორიზმის ბრალდებით იძებნებიან.