მილანში 20 წლის ბრიტანელი ფოტომოდელი, რომლის ვინაობაც არ სახელდება, გაიტაცეს. მოდელი მილანში გადაღებებში მონაწილეობისთვის ჩავიდა. მას სახლში მას ორი მამაკაცი დაესხა თავს. გოგოანას ძლიერ მოქმედი ნარკოტიკული საშუალებების მიღება აიძულეს, ჩემოდანში მოათავსეს და მანქანით ტურინში გადაიყვანეს. ტურინში მას ხელბორკილები დაადეს და კარადაში ჩაკეტეს

დამნაშავეები გოგონას ონლაინ აუქციონზე გაყიდვას უპირებდნენ. გამტაცებლებმა ინტერნეტ აუქციონი გამართეს და 300 ათასი დოლარი მოითხოვეს.

ბოროტმოქმედებმა დაზარალებული 6 დღის შემდეგ გაათავისუფლეს, რადგან შეიტყვეს, რომ მას მცირეწლოვანი შვილი ჰყავდა.

იტალიელმა ძალოვანებმა ბრიტანელი მოდელის გამტაცებლები უკვე დააკავეს.

ერთერთი გამტაცებელი პოლიციამ იმ დროს აიყვანა, როდესაც მან გატაცებული ქალი მილანში ბრიტანეთის საკონსულოში მიიყვანა. ის პოლონეთის მოქალაქე, 30 წლის მამაკაცი აღმოჩნდა. ამ დროისთვის გამოძიება დამნაშავეების თანამზრახველებს ეძებს, რადგან, როგორც გაირკვა სხვადასხვა ყალბი აქაუნთით, მათ ონლაინ აუქციონზე კიდევ 6 გოგონა ჰყავდათ გამოტანილი.